Պետք չի Հայաստանը համեմատել Ադրբեջանի հետ: Այսպես է արձագանքել քաղաքագետ, Կովկասի ինստիտուտի տնօրեն Ալեքսանդր Իսկանդարյանը մայիսի 17-ին կայացած հեռուստակամուրջի ընթացքում Ռազմավարական զարգացման մոդելավորման կենտրոնի առաջին փոխնախագահ Գրիգորի Տրոֆիմչուկի արած զուգահեռին:
Սկզբի համար Իսկանդարյանը հիշեցրել է գործընկերոջը, որ Հայաստանում իշխանությունը հորից որդուն չի փոխանցվում, ինչպես դա եղել է հարեւան երկրում: «Ընտրություններն ու քաղաքական կյանքն, ընդհանուր առմամբ, «փոքր ինչ» տարբերվում են»,-ասել է նա: Մաղթելով, որ ժամանակի ընթացքում Ադրբեջանը կարողանա առաջընթացի եւ զարգացման հասնել` փորձագետն ասել է. «Այսօրվա դրությամբ տարբերություն այնուամենայնիվ կա»: