Պետական բյուջեից կենսաթոշակային պահանջները ֆինանսավորվում են նույն ամսվա առաջին աշխատանքային օրը: Այդ մասին նշված է Սոցիալական ապահովության պետական ծառայության տարածած հայտարարության մեջ: Կենսաթոշակառուները հնարավորություն են ստանում ամսվա 2-րդ աշխատանքային օրվանից ստանալ իրենց հասանելիքը (հեռավոր բնակավայրերում՝ 3-րդ աշխատանքային օրվանից): Ծառայությունը հիշեցնում է, որ նախկինում մարզերում կենսաթոշակի վճարումն սկսվում էր ամսվա 2-րդ տասնօրյակում, երբ Երեւան քաղաքում այն հիմնականում ավարտված էր լինում: