Թբիլիսիի կենտրոնում հայկական Սուրբ Նշան եկեղեցու տարածքի մաքրումն ավարտվել է: Այս մասին NEWS.am-ի թղթակցին ասաց «Հայարթուն» հայկական մշակութային կենտրոնի համակարգող Լեւոն Չիդիլյանը: Ներկայումս եկեղեցու վերկանգնման աշխատանքների նախագծում է կատարվում:
«Ամբողջությամբ հեռացվել են փլավածքները, մաքրվել են քանդակները, մոտակա տները հեռացվել են վտանգից: Հիմա արդեն կազմվում է վերականգնողական աշխատանքների նախահաշիվը»,-նշեց զրուցակիցը:
Լեւոն Չիդիլյանն ասաց, որ վրացական կողմը վերականգնողական աշխատանքների մեկնարկի ժամկետ չի նշում, սակայն հույս հայտնեց, որ դրանք կսկսվեն առաջիկայում:
Ինչպես հաղորդել էր NEWS.am-ը, մայիսի 14-ին փլուզվել էր Սուրբ Նշանի մի մասը, որն արդեն տուժել էր այս տարի հունվարին տեղի ունեցած հրդեհի հետեւանքով: Հայկական կողմը վրացական իշխանությունների հետ եկեղեցին վերականգնելու պայմանավորվածություն էր ձեռք բերել: