Ադրբեջանցի երկու սահմանապահների մեռած են գտել իրանա-ադրբեջանական սահմանին: Նախնական վարկածով, սպանությունը կատարել է նրանցից մեկը: Նա գնդակահարել է ծառայակցին, ապա` իրեն:
Ինչպես հաղորդում է APA-ն, միջադեպը արձանագրվել է Իմիշլինի շրջանի Բահրամթեփե գյուղի մոտ` Պետական սահմանապահ ծառայության Գյոյթեփե ջոկատի հենակետում:
Հենակետում գտել են 19-ամյա Ռահիբ Նազիմօղլու Ալիեւի եւ Տուրալ Իզզետօղլու Կազիմզադեի դիակները` հրազենային վնասվածքներով:
Ծառայությունում հայտնել են, որ միջադեպը եղել է ոչ կանոնադրային հարաբերությունների պատճառով: