Թերթը գրում է, որ ՀՀԿ Գործադիր մարմնի նիստում ՀՀ եւ ՀՀԿ նախագահ Սերժ Սարգսյանը երկար խոսել է ներքաղաքական իրավիճակի եւ ԲՀԿ-ի հետ ունեցած կոնսուլտացիոն հանդիպումների մասին:
«Նիստին ներկա հանրապետականների վկայությամբ` Սերժ Սարգսյանը նեղսրտած եւ խիստ զայրացած է եղել: Նա մի քանի անգամ կրկնել է, որ այժմ իրենք մենակ են մնացել, եւ մեղադրել է կուսակիցներին շատ խոսելու եւ ոչինչ չանելու մեջ:
«Փաստորեն, մարդկանց դժգոհությունները մեզանից արդարացի են, իրավունք ունեն դժգոհելու»,- ասել է Սերժ Սարգսյանը:
Ի դեպ, ի տարբերություն Գործադիր մարմնի նախորդ նիստի, այս անգամ Սերժ Սարգսյանը լրագրողների հետ բացարձակ չշփվեց եւ ինչպես արագ մտավ ՀՀԿ-ի շենք, այնպես էլ արագ հեռացավ»,- գրում է «Երկիրը»: