Բանջարեղենի եւ կարտոֆիլի ապրանքախմբում  2012թ.  մայիսին 2011թ.  մայիսի համեմատ արձանագրվել է 20.2%, իսկ 2012թ. ապրիլի համեմատ`15.5% գնանկում:  Այդ մասին տեղեկացնում է ՀՀ ազգային վիճակագրական ծառայությունը:

Նվազումը հիմնականում  պայմանավորվել է վարունգի`61.4%, խառը կանաչեղենի`47.0%, կաղամբի` 23.7%, կանաչ սոխի` 20.3% գնանկումով:

Հանրապետության դիտարկված քաղաքներում 2012թ.  մայիսին ապրիլի համեմատ բանջարեղեն եւ կարտոֆիլ ապրանքախմբի գները նվազել են 29.4-9.2%-ով, այդ թվում, գնանկման ամենաբարձր ցուցանիշն արձանագրվել է ք.  Մարտունիում:  Մայրաքաղաքում բանջարեղեն եւ կարտոֆիլ ապրանքախմբի գների ընդհանուր մակարդակը նախորդ ամսվա համեմատ նվազել է 13%-ով:

Նշենք, որ երեւանյան շուկաներում այսօր կարտոֆիլը վաճառվում է միջինը կգ-ը 300 դրամով, վարունգը` 150 դրամով, սոխը` 300 դրամով, կաղամբը` 100 դրամով: Կանաչեղենի 1 կապուկի գները տատանվում են 20-100 դրամի սահմաններում: