Ոստիկանության Կապանի բաժնում, մայիսի 30-ին, ահազանգ էր ստացվել, որ իր բնակարանում հայտնաբերվել է 85-ամյա Հրանտ Ծատուրյանի դիակը:
Ոստիկանության մամուլի ծառայությունից հայտնում են, որ ձեռնարկած միջոցառումների շնորհիվ պարզվել է, որ Ծատուրյանին ծեծելով եւ խոշտանգելով սպանել է Որոտան գյուղի բնակիչ, նախկինում 3 անգամ դատապարտված, 29-ամյա Կարեն Նավասարդյանը:
Ոստիկանության ՔՀԳ եւ Սյունիքի մարզային վարչությունների ու Կապանի բաժնի աշխատակիցների համատեղ ջանքերով, սպանությունից ժամեր անց, Կարեն Նավասարդյանը հայտնաբերվեց Երեւանում եւ բերման ենթարկվեց ոստիկանություն: