Վրաստանը կամուրջ է Արեւելքի ու Արեւմուտքի միջեւ: Այդ մասին հայտարարել է ԱՄՆ պետքարտուղար Հիլարի Քլինթոնը` մասնակցելով Վրաստանին առափնյա պաշտպանության նավի հանձնման արարողությանը:
Նա հավաստիացրել է, որ Բաթումիի առողջարանի համար լավագույն օրերը դեռ առջեւում են` նկատելով, որ այդ ծովածոցը վրաց ժողովրդին կապում է մեծ աշխարհի հետ:
ԱՄՆ-ը Վրաստանին առափնյա պաշտպանության նավ է նվիրել` սարքավորելով այն ամերիկյան ժամանակակից տեխնոլոգիաներով:
Քլինթոնը Վրաստան է ժամանել Հայաստանից տարածաշրջանային այցի շրջանակներում: Նա հունիսի 6-ին Բաթումիից մեկնելու է Բաքու: