ԲՀԿ նախագահ Գագիկ Ծառուկյանի խոսնակ Խաչիկ Գալստյանը երեկ կրկին ընդհատակ էր անցել: Այդ մասին գրում է «Հայկական ժամանակ» թերթը:
«ԲՀԿ-ականները, որ մինչ այդ հերքում էին, թե Ծառուկյանը ստիպել է նրան հրաժարականի դիմում գրել, արդեն ոչ պաշտոնապես հաստատում են, որ մոտակա օրերին նրա պաշտոնանկության մասին կհայտարարվի: «Հժ»-ն ընտրություններից 2-3 օր հետո գրել էր, որ Ծառուկյանը հրաժարվել է իր խոսնակից, իսկ անցյալ շաբաթ մամուլում լուր հայտնվեց, որ նա բարկացել է` տեղեկանալով, որ իր խոսնակն իրենից գաղտնի նախագահական նստավայր է այցելել»,- գրում է «Հայկական ժամանակը»: