Հունիսի 6-ին, ժամը 16.30-ին, ոստիկանության քրեական հետախուզության գլխավոր վարչության եւ «Զվարթնոց» օդանավակայանի գծային բաժնի ծառայողները օդանավակայանից բերման են ենթարկել 47-ամյա Գագիկ Մեսրոբյանին, որը 2007 թ-ից հետախուզվում էր Լիտվայի Հանրապետության իրավապահ մարմինների կողմից միջազգային մակարդակով` վկայի նկատմամբ ներգործություն կատարելու հատկանիշներով:
Ոստիկանության լրատվության վարչությունից հայտնում են, որ Գ.Մեսրոբյանի հայտնաբերման մասին տեղյակ է պահվել ՀՀ-ում Ինտերպոլի ԱԿԲ-ին:
Հունիսի 6-ին, ժամը 10.00-ին, ոստիկանության Չարենցավանի բաժնի ծառայողները 1/Ա թաղամասի 2 շենքից բերման են ենթարկել 36-ամյա Խաչիկ Խաչատրյանին, որը մայիսի 30-ից հետախուզվում էր ծեծի մեղադրանքով:
