Հայաստանի կառավարությունը կսեփականաշնորհի «Երվերելակ» փակ բաժնետիրական ընկերությունը: Այդ հարցը, ՀՀ կառավարությանն առընթեր պետական գույքի վարչության ներկայացմամբ, ներառվել է կառավարության հունիսի 14-ի նիստի օրակարգում:
Ընկերության բաժնետոմսերը կսեփականաշնորհվեն դասական աճուրդով: Բաժնետոմսերը գնահատված են 257.8 մլն դրամ (մոտ 650 հազ. դոլար):
Նշենք, որ «Երվերելակ» փակ բաժնետիրական ընկերությունը վերելակային տնտեսության բնագավառում միակ լիցենզավորված պետական կառույցն է ՀՀ տարածքում: Այն հանդիսանում է Երեւանի քաղաքապետարանի վերելակների վարչության իրավահաջորդը, որը գործում է 1960-ական թվականներից:
