Ռուսաստանի վարչապետ Դմիտրի Մեդվեդեւը շնորհավորական ուղերձ է հղել Տիգրան Սարգսյանին` Հայաստանի վարչապետի պաշտոնում վերանշանակվելու կապակցությամբ:
Ուղերձում ասված է.
«Անկեղծորեն երախտապարտ եմ Ձեզ ջերմ շնորհավորանքների համար՝ Ռուսաստանի դաշնության կառավարության ղեկավարի պաշտոնն ստանձնելու կապակցությամբ: Իմ կողմից սրտանց շնորհավորում եմ Ձեզ Հայաստանի հանրապետության վարչապետի պաշտոնում վերանշանակվելու կապակցությամբ:
Կիսում եմ Ռուսաստանը եւ Հայաստանը միավորող բարեկամական հարաբերությունները, ռազմավարական գործընկերությունը եւ դաշնակցային հարաբերությունները շարունակաբար զարգացնելու Ձեր տրամադրվածությունը: Համոզված եմ, որ ռուս-հայկական համագործակցության ողջ համալիրի ընդլայնումը եւ համատեղ տնտեսական ու ներդրումային նախագծերի առաջմղումը համապատասխանում են մեր երկրների ժողովուրդների արմատական շահերին:
Ուրախ էի հանդիպել Ձեզ Աշգաբադում: Կարեւոր է ապահովել երկկողմ փոխգործակցության ոլորտում առկա գործնական հարցերի շուրջ պայմանավորվածությունների հստակ իրականացումը:
Մաղթում եմ Ձեզ, հարգարժան Տիգրան Սուրենի, քաջառողջություն եւ հաջողություններ Ձեր պատասխանատու գործունեության մեջ»:
