Երեւանի պետական բժշկական համալսարանի ուսումնական աշխատանքների գծով պրոռեկտոր, պրոֆեսոր Սամվել Ավետիսյանը կնշանակվի ռեկտորի ժամանակավոր պաշտոնակատար: Այս մասին NEWS.am-ի թղթակից հետ զրույցում ասաց ԵՊԲՀ նախկին ռեկտոր, Առողջապահության նորանշանակ նախարար Դերենիկ Դումանյանը:
«Ես որքան գիտեմ, պրոռեկտորներից մեկը կդառնա պաշտոնակատար, եւ քանի որ ուսումնական գծով պրոռեկտորը սահմանվել է առաջին պրոռեկտոր, ենթադրում եմ, որ նա կլինի պրոռեկտոր` Ավետիսյանը»,- նշեց նա:
Իսկ դրանից հետո Կրթության եւ գիտության նախարարությունը մրցույթ կհայտարարի ԵՊԲՀ ռեկտորի թափուր պաշտոնը զբաղեցնելու համար: Երբ թեկնածուները առաջադրվեն, Դերենիկ Դումանյանը կարծիք կհայտնի նրանց մասին եւ կնշի, թե ում է տեսնում իր գործի շարունակող, իսկ առայժմ նա չի ցանկանում անուններ ասել:
