ԼՂՀ նախագահ Բակո Սահակյանը հունիսի 16-ին այցելել է Մարտունու շրջանի Զարդանաշեն գյուղի մոտակայքում գտնվող հանքաերեւակման տարածք եւ ծանոթացել այնտեղ իրականացվող աշխատանքներին:
Ինչպես NEWS.am-ին հայտնեցին ԼՂՀ նախագահի մամուլի գրասենյակից, Բ. Սահակյանը կարեւորել է ընդերքի ուսումնասիրմանն ու արդյունավետ շահագործմանն ուղղված աշխատանքները՝ այդ ոլորտը համարելով երկրի տնտեսության զարգացման կարեւոր ուղղություններից մեկը:
Նախագահին ուղեկցել են վարչապետ Արա Հարությունյանը, պաշտոնատար այլ անձինք: