Փեշավարում սպանվել է պակիստանցի հայտնի երգչուհի Գազալա Ջավեդը:
Անցնող մոտոցիկլիստները արտիստուհուն գնդակահարել են հոր հետ միասին կոսմետիկայի սրահից դուրս գալիս: Երգչուհու քույրը չի տուժել, հաղորդում է «Ազատություն» ռադիոկայանը:
Ոստիկանության տվյալներով, կրակողների մեջ եղել է Գազալայի նախկին ամուսինը` Ջահանգի խանը: Նա երգչուհու հետ ամուսնացել էր 2010թ., բայց որոշ ժամանակ անց ամուսնալուծվել էր, քանի որ Ջահանգի խանը եւս մեկ կին ուներ, նաեւ խոչընդոտում էր կնոջ երաժշտական կարիերային:
Գազալա Ջավեդը երգեր էր կատարում փուշտու լեզվով եւ բավական հայտնի է Պակիստանի հյուսիս-արեւմտյան շրջաններում:
