Ադրբեջանի հարցով միջազգային գործընկերային խումբը (IPGA) դատապարտում է Ադրբեջանի վերջին քայլերը` ուղղված կարծիքի արտահայտման եւ տեղեկատվության ազատության սահմանափակմանը: «Եվրատեսիլից» հետո իշխանությունները օրենսդրական փոփոխություններ են արել, որոնք հակասում են տեղեկատվության ազատության միջազգային չափորոշիչներին:
«IPGA-ն խորը անհանգստություն է հայտնում Ադրբեջանում կարծիքների արտահայտման ազատության վիճակի կապակցությամբ, որը զգալիորեն վատացել է վերջին մի քանի շաբաթներին Բաքվում կայացած «Եվրատեսիլ» մրցույթից հետո»,- ասվում է հայտարարության մեջ:
Հայտարարության մեջ ներկայացվում են լրագրողների դեմ իրականացված բռնաճնշումները, նաեւ կոչ է արվում ազատ արձակել մեկ տասնյակից ավելի ձերբակալված լրագրողների:
Հայտարարությունը ստորագրել են Article 19, Freedom House, Freedom Now, Human Rights House Foundation, Հելսինկյան կոմիտե եւ այլ կազմակերպություններ: