Միլիարդատեր Քըրք Քըրքորյանը ներառվել է բիզնեսի 10 «իդոլների» ցանկում, որոնք համարվում են «ամերիկյան երազանքի» իրականացման մարմնացում:
Ամերիկյան minyanville.com կայքը կազմել է հայտնի մարդկանց ցանկը, որոնք իրենց կարողությունը ստեղծել են «հաղթահարելով բոլոր դժվարությունները` անտուն լինելը, քաղաքական պայքարն ու անձնական ողբերգությունները»:
Հոդվածում նշվում է, որ լինելով 9-ամյա տղա, Քըրքորյանը նույնիսկ թերթեր է վաճառել, որպեսզի օգնի ընտանիքին: Այսօր նրա կարողությունը կազմում է 3,3 մլրդ դոլար:
«Ամերիկյան երազանքի» իրականացման մարմնացում հանդիսացող մարդկանց ցանկում են նաեւ Xerox ընկերության գործադիր տնօրեն Ուրսուլա Բերնսը, Օփրա Ուինֆրին McDonald's Corporation-ի նախագահ Դոն Թոմփսոնը եւ այլք: