ԱՄՆ մթնոլորտային եւ օվկիանոսային հետազոտությունների ազգային վարչությունը հանդես է եկել անսպասելի պաշտոնական հայտարարությամբ. գերատեսչությունը հաղորդել է, թե տվյալներ չունի ջրահարսերի գոյության մասին: Առիթը «Ջրահարսեր. հայտնաբերվել է մարմին» կեղծ փաստագրական ֆիլմն էր, ոը ցուցադրվել է Animal Planet հեռուստաալիքով:
«Չկա, եւ երբեւէ ապացույցներ չեն եղել ջրային հումանոիդների գոյության մասին»,-հայտարարել է գերտեսչությունը:
Ֆիլմում բավականին համոզիչ կերպով պատմվում է ջրահարսերի գոյության մասին, թե ինչ տեսք կարող են նրանք ունենալ եւ ինչու մինչեւ հիմա չեն հայտնաբերվել:
Ֆիլմը շատերին է համոզիչ թվացել. ԱՄՆ մթնոլորտային եւ օվկիանոսային հետազոտությունների ազգային վարչությունն սկսել էր զանգեր եւ նամակներ ստանալ` ջրահարսերի գոյությունը հաստատելու պահանջով, գրում է NEWSru.com-ը: