Հայաստանի կառավարությունը պատրաստ չէ նրան, որ Կրասնոդարի երկրամասում ջրհեղեղի հետեւանքով հնարավոր է ցորենի գների աճ եւ հայերի վերադարձ հայրենիք: Այս մասին NEWS.am-ի թղթակցի հետ զրույցում հայտարարեց ԱԺ ՀՅԴ խմբակցության անդամ Արծվիկ Մինասյանը:
Նա նաեւ նշեց, որ տվյալ պահին իրեն ավելի շատ անհանգստացնում է ոչ այնքան ցորենի գնի աճը, որքան մարդկանց հնարավոր հոսքը հայրենիք ոչ միայն Կրասնոդարի երկրամասից, այլեւ մյուս անհանգիստ տարածաշրջաններից, օրինակ` Սիրիայից:
«Մեր կառավարությունը պետք է պատրաստ լինի դրան: Սակայն, դատելով ներկայիս վարքագծից, ցավոք, կառավարությունը պատրաստ չէ պատշաճ մոտեցում ցուցաբերել այդ խնդիրների նկատմամբ»,-նշեց Մինասյանը: