Կանադական Բրիտանական Կոլումբիայի բնակիչ 62-ամյա Քրիսթին Թերյենը որդու` Սեբաստիանի, հետ զբոսնելիս հսկայական սունկ է հայտնաբերել: Կանադացին նշել է, որ նախկինում եւս հանդիպել է մեծ սնկերի, բայց այսպիսի մեծության սունկ առաջին անգամ է տեսնում, գրում է dni.ru-ն:
Նրանք 26 կիլոգրամանոց սունկը տարել են իրենց հետ, ցույց տվել հարազատներին եւ ընկերներին, լուսանկարվել, ինչից հետո հետ են վերադարձրել: Ինչպես նշել է Թերյենը, ամենայն հավանականությամբ դա աշխարհի ամենամեծ սունկն է: Այնուամենայնիվ, հայտնի չէ` արդյոք կանադական ընտանիքը մտադիր է ռեկորդի հայտ ներկայացնել:
