Կույրաղիքի վիրահատությունից հետո Նիկոլայ Բասկովի վերադառնալը բեմ աղմուկով տեղի ունեցավ: Երգիչը կռվել է Անդրեյ Դանիլկոյի հետ, ով հայտնի է «Վերկա Սերդյուչկա» բեմական անունով, հայտնում է dni.ru-ն:
Կիեւում վերջերս տեղի ունեցած համերգի ժամանակ «Ռուսաստանի ոսկե ձայնն» աշխատում էր Վերկա Սերդյուչկայի հետ: Տեսնելով Նիկոլայ Բասկովին` վերջինս սկսել է իսկական շիկահերի հասցեին սուր հումորներ անել:
Այսպես, Վերկան հայտարարել է, որ իր բեք-վոկալիստուհին ստիպված է եղել բուժվել հոգեբուժարանում Բասկովի հետ աշխատելուց հետո: «Եթե քո «Շարմանկան» ամեն օր լսենք, ավելի վատ բան տեղի կունենա: Այնպես որ կարելի ասել, նրա բախտը բերել է», – Վերկային է մեջբերում «Սոբեսեդնիկը»:
Այդ խոսքերը Նիկոլային ստիպել են կարմրել: Նա նույնիսկ չի կարողացել պատասխանել: Խոսում են, որ արտիստը նեղացել է Անդրեյ Դանիլկոյից եւ որոշել է այլեւս նրա հետ չշփվել:
Մինչդեռ Վերկա Սերդյուչկայի երկրպագուները վստահ են, որ նման ագրեսիան Դանիլկոյի կողմից պատահական չէ: Գործը բնական շիկահերի տեմպերամենտն է: Մինչ բեմ դուրս գալը տեսնելով Դանիլկոյին գրիմով` նա այնպես ամուր է գրկել վերջինիս, որ քիչ է մնացել զրկի փարթամ կրծքից:
Անձամբ արտիստները հրաժարվում են մեկնաբանել կատարվածը: Տհաճ միջադեպից անմիջապես հետո ՆԻկոլայ Բասկովը հանգստի է մեկնել արեւային Իսպանիա: