Ռուսաստանցի փոփ երգչուհի Ալլա Պերֆիլովան, ով ավելի հայտնի է որպես Վալերիա, դատական հայց է ներկայացրել ընդդեմ մոսկովյան պլաստիկ վիրաբուժության կլինիկաներից մեկի:
Խնդիրն այն է, որ կլինիկան ապօրինի օգտագործել է երգչուհու կերպարը` իր ծառայությունների գովադի մեջ: Մասնավորապես, երգչուհու լուսանկարը տեղ է գտել մշտական այցելուների պատվավոր ցուցատախտակի վրա:
Իմանալով այդ մասին` երգչուհի ապշահար է եղել, քանի որ երբեւէ չի դիմել այդ կենտրոնի մասնագետներին:
Հայցով երգչուհին պահանջում է կլինիկային զրկել բժշկական լիցենզիայից, ինչպես նաեւ բարոյական վնասի համար պահանջում է 5- 10 մլն ռուբլու փոխհատուցում:
