Ազգությամբ հայերը Հայաստան մուտք գործելու համար կարող են մուտքի վիզա ստանալ ՀՀ սահմանային անցման կետերում: ՀՀ ոստիկանությունը նման առաջարկ է ներկայացրել ՀՀ կառավարության հուլիսի 26-ի նիստի հաստատմանը:
Նշենք, որ ՀՀ կառավարության նախորդ որոշումներով` մի շարք երկրների քաղաքացիներ Հայաստան կարող են մուտք գործել բացառապես Հայաստանի դիվանագիտական հիմնարկների հրավերների հիման վրա: Այդ երկրների շարքում է նաեւ Սիրիան, որտեղից բազմաթիվ հայեր մշտական կամ ժամանակավոր հիմունքներով ժամանում են Հայաստան:
Այս որոշման ընդունման դեպքում սիրիահայերի մուտքը Հայաստան էապես կհեշտանա: