Բրյուս Ուիլիսը Դեմի Մուրի եւ իր դուստրերին անվանել է «փչացած աղջիկներ» այն բանի համար, որ նրանք մեկուսացել են մորից եւ փորձում են առավելագույնս կրճատել նրա հետ իրենց շփումը: Բրյուսը Ռումերին, Սքաութին եւ Թալուլուին սպառնացել է, որ կարգելափակի նրանց բանկային քարտերը եւ անձնական հաշիվները, եթե նրանք շարունակեն իրենց ոչ պատշաճ դրսեւորել:
Չնայած որ Բրյուսն այժմ ապրում է այլ կնոջ հետ, եւ նրանք իրենց երեխաներն ունեն, նա փորձում է չմոռանալ Դեմիի եւ առաջին ամուսնությունից իր դուստրերի մասին եւ շարունակում է նրանց պահել:
Եթե Ուիլիսն այդպիսի կտրուկ միջոցներ ձեռնարկի եւ դադարի ֆինանսավորել Ռումերին, Սքաութին եւ Թալուլուին, ապա աղջիկները կզրկվեն ապրուստի միջոցից: Այդպիսով, Ուիլիսն աղջիկներին ընտրության հնարավորություն չի թողնում եւ ստիպում է նրանց ավելի հանդուրժող լինել մոր նկատմամբ, գրում է LifeNews-ը:
Դեմի Մուրը խոր ընկճախտով է տառապում այն բանից հետո, երբ բաժանվել էր դերասան Էշթոն Քաթչերից: Աղջիկները ոչ միայն չեն աջակցել նրան, այլեւ նրա դեմ են դուրս եկել, ինչը Մուրին նյարդային խանգարման է հասցրել:
Սակայն, ինչպես պնդում են աղբյուրները, ներկայումս Դեմին սկսել է ապաքինվել եւ նույնիսկ հանրությանն է ներկայանում իր նոր ընտրյալի` 29-ամյա Մատին Հենդերսոնի հետ: