Գետնին գցած սիգարետի մնացորդների համար տուգանքները կօգնեն ամառվա ընթացքում կրճատել անտառային հրդեհների թիվը, կարծում են իսպանացի բժիշկները: Շատ վարորդներ դրանք նետում են մեքենայի պատուհաններից՝ երկրի անտառպուրակային գոտիներում հրդեհներ առաջացնելով: Եթե տվյալ առաջարկը հավանության արժանանա, օրինախախտ վարորդներին 200 եվրոյի տուգանք կսպառնա: Օրինախախտը նաեւ 4 տուգանային բալ կհավաքի:
Վարորդների նման վարքը կդիտվի որպես «բնապահպանական հանցագործություն», հաղորդում է correspondent.net-ը:
Բացի դրանից, տվյալ բարեփոխման կողմնակիցները պնդում են, որ ծխելը շեղում է վարորդներին: Իսպանիայում հաշվվում են արդեն 263 կազմակերպություններ, որոնցում 2 միլիոն մարդ կա, որոնք աջակցում են սեփական մեքենայում ծխելն արգելելուն, հայտնում է La Vanguardia-ն:
Նշենք, որ 2011 թվականից Իսպանիայում գործում է հասարակաան վայրերում ծխելու արգելքը:
