News
Լրահոս
News
Շաբաթ
Մայիս 30
USD
478.54
EUR
525.82
RUB
9.11
Տեսնել լրահոսը

Նախկինում աղջիկ փախցնելուց  դեպքի վայրում խնձոր կամ կոնյակ էին թողնում, որ ծնողները աղջկա բացակայությամբ պարագայում կռահեին, թե իրականում ինչ է տեղի ունեցել: Թեեւ այդ սովորույթը աստիճանաբար դուրս  է մղվել, բայց աղջիկ փախցնելու սովորույթը շարունակում է գոյություն ունենալ: 2012թ. առաջին 6 ամիսներին ՀՀ քրեական օրենսգրքի 131 հոդվածի  հատկանիշներով  մարդուն առեւանգելու 14 դեպք է արձանագրվել, որոնցից 11-ը վերաբերել է աղջիկ փախցնելուն:  Իսկ 2011թ-ին արձանագրվել է անձի առեւանգման 34 դեպք, որից 25-ն է վերաբերել է աղջիկ փախցնելուն: Այս մասին NEWS.am-ը տեղեկացավ ՀՀ ոստիկանության լրատվական ծառայությունից: Հարկ է նկատել, որ սույն հոդվածով խաբեության, վստահությունը չարաշահելու, բռնության կամ բռնություն գործադրելու սպառնալիքի միջոցով մարդուն գաղտնի կամ բացահայտ առեւանգելը, եթե բացակայում են սույն օրենսգրքի 218-րդ հոդվածով նախատեսված հանցագործության հատկանիշները, պատժվում է ազատազրկմամբ` 2-5 տարի ժամկետով:

Նշենք նաեւ, որ աղջիկ փախցնելու դեպքերը այսքանով չեն սահմանափակվել, քանի որ շատ հաճախ կողմերը բարիշել են  եւ քրեական գործեր չեն հարուցվել: Բայցեւայնպես,  վերջին տարիներին աղջիկ փախցնելու ավանդույթը աստիճանաբար նվազում է, ինչին նպաստել են, թե մարդկանց ազատ մտածողությունը, թե արարքի քրեորեն պատժելի լինելու հանգամանքը: Աստիճանաբար փոխվել են նաեւ աղջիկ փախցնելու  արարողակարգը: Այդ կապակցությամբ զրուցեցինք ազգագրագետ, գեղանկարչուհի Լուսիկ Ագուլեցու հետ` հասկանալու համար, թե տարիների ընթացքում ինչ փոփոխությունների է ենթարկվել աղջիկ փախցնելու սովորույթը: Լուսիկ Ագուլեցին նշեց, որ նախկինում Վարդավառին, Տրնդեզին եւ այլ ծիսական տոների ժամանակ էին տղաները աղջիկներին տեսնում եւ հավանում: «Երբ ժողովուրդը հավաքվել են, տղան աղջկան տեսել է , իսկ համակրելու դեպքում տղան կարմիր խնձոր է գլորել աղջկա ոտքերի արանքը, այդ կերպ փոխանցելով իր համակրանքը: Եթե աղջիկը եւս համակրել է տղային, ապա ծեսի ժամանակ իր մայրիկի հետ դուրս է եկել պարելու: Եթե ծնողներն էլ իրենց հերթին համաձայն են լինում կարմիր խնձոր կամ գլխաշոր են տալիս աղջկան: Սակայն շատ հաճախ աղջկա եւ նրա ծնողների անհամաձայնության դեպքում  տղաները, թե զգացմունքներից, թե արժանապատվությունից ելնելով, դիմել են փախցնելու տարբերակին»,- պատմեց Լուսիկ Ագուլեցին, ինչպես նաեւ ավելացրեց, որ եթե աղջիկը ընդհանրապես տանից դուրս չի եկել, սակայն տղան ինչ -որ տեղ տեսել եւ հավանել է նրան, տան դռան առջեւ խնձոր են դրել: Եւ կրկին անհամաձայնության դեպքում դիմել են փախցնելու տարբերակին:

Հարկ է նկատել, որ հայկական ծիասակատարությունների ժամանակ 16 խնձորի ծես կա: Եվ այդ ծեսերից մեկի համաձայն էլ աղջկան փախցնելուց հետո  էլ  է տղան փախցնելու վայրում կարմիր խնձոր  թողել ծնողներին հասկացնելու համար, որ իրենց աղջկան փախցրել են: Որոշ ժամանակ անց կարմիր խնձորը փոխարինվել է կոնյակով, սակայն հիմա միայն որոշ գյուղերում են մեսիջ փոխանցելու այդ տարբերակը կիրառում:

Լուսիկ Ագուլեցին ընդգծեց, որ եթե հիմա ծնողները աղջիկներին փախցնելուց հետո ընդունում են, ապա նախկինում չեն ընդունել: Նրա խոսքով, նախկինում հիմնականում աղջկան մի քանի օր պահել են նոր են նրա հետ կենակցել: Ավելին` նույնիսկ չկենակցելու պայմաններում աղջիկները հետ չեն վերադարձել ծնողների մոտ, քանի որ հասարակության մեջ համարվել են տարած հետ բերածներ եւ խայտառակվածներ: Բարեբախտաբար,  վերջին տարիներին այդ մտածելակերպը դուրս է մղվել հայկական ընտանիքներից: Ավելին` հենց աղջկա ծնողների  շահագրգռվածությամբ են  աղջկան փախցնող տղաները ՀՀ քրեական օրենսգրքի պահանջներով պատժվում 2-5 տարի ազատազրկմամբ: Իսկ աղջիկները հետո բարեբախտաբար կարողանում են իրենց նախընտրելի թեկնածուի հետ իրենց կյանքը դասավորել: Ի դեպ, Լուսիկ Ագուլեցին ավելացրեց, որ  երբ հնում աղջիկ փախցնելու սովորույթը քրեորեն պատժելի չէր, վրեժխնդրություններն էին շատ: «Վրեժ էին լուծում, իրար սպանում կամ ծեծում էին: Լինում էին դեպքեր , երբ  միջնորդների միջոցով բարիշում էին: Բայց մեծ մասը արյունահեղությամբ եւ թրով էր ավարտվում, բարեբախտաբար հիմա քրեորեն է պատժվում»,- ավելացրեց Լուսիկ Ագուլեցին:

Տպել
Այս թեմայով
Ամբողջ
Լույս չի լինելու Երեւանի եւ մարզերի որոշ բնակավայրերում
Պլանային եւ վերանորոգման աշխատանքներ իրականացնելու նպատակով, հետագայում վթարներից խուսափելու համար...
Ջուր չի լինելու Շենգավիթի որոշ հատվածներում
Ընկերությունը հայցում է սպառողների ներողամտությունը պատճառված անհանգստության եւ կանխավ շնորհակալություն հայտնում ըմբռնման համար...
159 մանկապարտեզի համար ծախսել ենք 6 մլրդ դրամ. Տարոն Մարգարյան
Մանկապարտեզների գույքի թարմացումը եւս առանձնակի կարեւորված է մեր կողմից, ընդ որում, մենք կարեւորել ենք ոչ միայն սեղան-աթոռների եւ մահճակալների թարմացումը, այլ նաեւ ծրագրում ներառել ենք խոհանոցային պարագաները...
Չիվնինգի կրթաթոշակների 2015-2016 ուստարվա դիմումներն ընդունվում են օգոստոսի 1-ից
Կրթաթոշակի նպատակն է ներգրավել արհեստավարժ մասնագետների, ապագա առաջնորդների, որոշում կայացնողների ու կարծիք ձեւավորողների...
«Ժամանակ». Երեւանցի մարմնավաճառների «գործն» սկսվում է տաքսու մեջ
Որոշ վարորդներ նկատեցին, որ երբ իրենց մեքենան հաճախորդ է նստում, չեն կարող հետաքրքրվել, թե ով է ինչու է հյուրանոց, ռեստորան կամ կարաոկե գնում...
Ամրապնդեք կապը հայրենիքի հետ. վարչապետը՝ «Սփյուռք» ամառային դպրոցի երեխաներին
Ամենակարեւորը Հայաստան-Սփյուռք-Արցախ համատեղ ծրագրերի միջոցով մայր հայրենիքի հետ կապերի պահպանումն ու ամրապնդումն է...
Ամենաշատ
Ֆոտոռեպորտաժներ
Partner news