Սեւանա լիճը շատերի համար հանգստի անցկացման սիրելի վայրերից է։ Այն տուրիստական կարեւոր նշանակություն ունի։ Սակայն լիճը քիչ է ուսումնասիրված, եւ նրա վերաբերյալ գրեթե չկան տեսանյութեր, հատկապես որոնք կատարվել են ջրում եւ լճի հատակում։ NEWS.am լրատվական-վերլուծական գործակալությունն իր ընթերցողին է ներկայացնում բացառիկ տեսանյութ, որը նկարահանվել է «Հայ էքսթրիմ-2012» փառատոնի շրջանակներում՝ ջրասուզակների կողմից։
Նորովի ծանոթացեք Սեւանին։
Հիշեցնենք, որ «Հայ էքսթրիմ-2012» փառատոնի շրջանակներում, օգոստոսի 3-ին, Սեւանա լճում իրականացվել է ջրասուզակների «Ստորջրյա կողմնորոշում» մրցումը` տարածքին ծանոթանալու նպատակով:
Մոտ 12 րոպե տեւած ստորջրյա սուզմանը մասնակցել են 11 ջրասուզակներ` Ուկրաինայից, Ռուսաստանից եւ Դաղստանից:
