Forbes-ի տվյալներով նշանավոր անձանց ցուցակում փոփ-աստղ Բեյոնսեն եւ նրա ամուսին` Ջեյ- Զին այս տարի ճանաչվել են ամենաբարձր վարձատրվող ասղային զույգը: Միասին նրանք վաստակել են 78 միլիոն դոլար, ընդ որում Բեյոնսեն աստղային ռեփերից 2 միլիոնով ավելին է աշխատել:
Բեյոնսեն իր վերջին ալբոմի`«4»-ի, գովազդներից եւ սեփական օծանելիքի վաճառքից ստացված գումարով ընտանեկան բյուջե է մուտքագրել 40 միլիոն դոլար: Իսկ Ջեյ-Զին`38 միլիոն` «Watch the Throne» ալբոմի վաճառքից եւ Քանիե Ուեսթոնի հետ համատեղ շրջագայության արդյունքում:
Հեղինակավոր ցուցակում երկրորդ տեղում հայտնվել են ամերիկացի ֆուտբոլիս Թոմ Բրեդին եւ բրազիլացի մոդել Ժիզել Բունդխեն, ովքեր այս տարվա ընթացքում վաստակել են 72 միլիոն դոլար: Անցյալ տարի աստղային զույգը այս նույն ցուցակում զբաղեցրել էր առաջին հորիզոնականը, հայտնում է Spletnik-ը:
Երրորդ տեղը Դեւիդ եւ Վիկտորիա Բեքհեմներին է պատկանում, ովքեր համատեղ վաստակել են 54 միլիոն դոլար, չորրորդ հորիզոնականում գտնվում են Բրեդ Փիթ եւ Անջելինա Ջոլի զույգը` 45 միլիոն դոլարով:
Ամենաբարձր վարձատրությամբ աստղային զույգերի հնգյակը եզրափակում են ցուցակի «նորեկները»` Ուիլ եւ Ջադա-Փինքեթ Սմիթերը, ովքեր վաստակել են 40 միլիոն դոլար: