Հաջորդ ամիս կայանալիք տեղական ինքնակառավարման մարմինների ընտրություններում ՀՅԴ թեկնածու Հովսեփ Սիմոնյանին հնարավոր է սատարի նաև ՀԱԿ-ը: Այս մասին «Ժողովուրդ» թերթի թղթակցի հետ զրույցում նշել է ՀՅԴ Շիրակի մարզային կառույցի պատասխանատու Գեւորգ Ալեքյանը: «Մենք հանդիպել ենք ՀԱԿ-ի տեղի պատասխանատու Մուրադ Գրիգորյանի հետ: Վերջինս մեզ հայտնեց, որ առաջիկա օրերին կորոշեն սատարելու՞ են Հովսեփ Սիմոնյանին, թե՞ ոչ»:
«Անդրադառնալով օրեր առաջ Շիրակի մարզպետ Աշոտ Գիզիրյանի այն հայտարարությանը, թե Հովսեփ Սիմոնյանը քաղաքապետ դառնալու շանսեր չունի ՝ Գեւորգ Ալեքյանը նշեց. «Հովսեփ Սիմոնյանը էթիկայից ելնելով է իր առաջադրման մասին տեղյակ է պահել վերադասին` Աշոտ Գիզիրյանին: Չեմ կարծում, թե Գիզիրյանը պետք է որոշի, թե ով պետք է լինի Գյումրու քաղաքապետը: Քաղաքապետին ընտրելու է ժողովուրդը, եւ, հետեւաբար, բոլոր հարցերի պատասխանը կստանանք ընտրություններից հետո»,- նշել է Ալեքյանը»,- գրում է «Ժամանակ»-ը:
