Ուսամա բեն Լադենի ոչնչացման գորոծողությունների մասնակից, ամերիկյան Ռազմածովային ուժերի նախկին զինծառայողը գիրք է գրել այն մասին, թե ինչպես է ընթացել ոչնչացման գործողությունները: «Դժվար օր. Ուսամա բեն Լադենի ոչնչացման գործողությանը մասնակիցի պատմությունը» վերնագրված գիրքը վաճառքի կհանվի ԱՄՆ-ում 2012 թ.-ի սեպտեմբերի 11-ին:
Գրքի հեղինակը ղեկավարել է 2011 թ-ին Պակիստանում բեն Լադենի տան վրա գրոհ իրականացրած խմբերից մեկը: Նա առաջիններից մեկն է եղել, ով նեխուժել է սենյակ եւ ականատես է եղել «Թիվ մեկ» ահաբեկչի ոչնչացմանը: Հատուկ ծառայակցի անունը չի բացահայտվում: Նա հանդես է գալիս Մարկ Օուեն անվան ներքո: Գրքի համահեղինակ է հանդես գալիս լրագրող Քեւին Մաուրերը, ով լուսաբանում է Աֆղանստանում ԱՄՆ-ի ռազմական արշավը, գրում է «Կոմսոմոլսկայա պրավդան»:
Օուենը հայտնել է, որ իր գրքում ցանկացել է պատմել այն մարդկանց մասին, ովքեր «կեղտոտ աշխատանք» են կատարել եւ համընդհանուր շահի համար իրենց կյանքն են զոհաբերել:
Պենտագոնում այս գրքի հրապարակումը «անակնկալ» են անվանել եւ խոստացել են ուշադրությամբ ծանոթանալ նրա բովանադակությանը: Նման արձագանք է հետեւել նաեւ ԿՀՎ-ի կողմից:
