ԱՄՆ Կենտրոնական հետախուզության վարչության պետ, գեներալ Պետրեուսը սեպտեմբերի 2-ի երեկոյան ժամանել է Ստամբուլի Աթաթուրքի անվան օդանավակայան։
Թուրքական NTV-ի փոխանցմամբ՝ ԿՀՎ-ի ղեկավարին առաջինը ընդունել է Թուրքիայի ազգային հետախուզության ծառայության պետ Հաքան Ֆիդանը։ Հանդիպման գլխավոր թեմաներն են եղել Սիրիայում տիրող իրավիճակն ու PKK-ի (Քուրդիստանի բանվորական կուսակցություն) դեմ պայքարը։
Նշվում է, որ Պետրեուսը հանդիպելու է նաեւ Թուրքիայի վարչապետ Ռեջեփ Թայիփ Էրդողանի հետ։
Պետրեուսը Թուրքիա էր այցելել նաեւ այս տարվա մարտին։
Ամերիկացի գեներալ Պետրեուսը 2003-ին Հյուսիսային Իրաքում մի խումբ թուրք զինվորականների գլխին պարկ էր հագցրել։ Պետրեուսն այդ արարքի համար Թուրքիայում հայտնի է «պարկային գեներալ» անվանումով:
