Ֆրասնիական VSD ամսագիրը 2 հազար եվրո չափով տուգանքի է դատապարտվել` նախագահական զույգի լողափային հագուստով լուսանկարները հրապարակելու համար: Համապատասխան որոշում կայացվել է սեպտեմների 4-ին Փարիզի Բարձրագույն դատարանի կողմից: Գումարը կվճարվի Ֆրանսիայի նախագահի կնոջը` Վալերի Տրերվեյլերին: Մինչդեռ Տրերվեյլերը պահանջում էր 30 հազար եվրո:
«Սովորաբար մենք չենք մեկնաբանում նման իրադարձություններ, սակայն այժմ մենք մի քիչ զարմացած ենք այն հանգամանքով, որ մեր դեմ են դուրս եկել նման սովորական լուսանկարների համար»,- AFP-ին հայտնել է VSD-ի խմբագիր Ֆիլիպ Լաբին:
Նրա խոսքով, լուսանկարները նկարվել են այս ամռան ընթացքում Ֆրանսիայի նախագահի ամառանոցում Օլլանդի եւ Տրերվեյլերի հանգստի ժամանակ, հաղորդում է NEWSru.com-ը:
Ֆրանսիայի առաջին տիկնոջ շրջապատից վստահեցնում են, որ լուսանկարները «գողացվել են լուսանկարչից եւ չպետք է հրապարակվեին»:
Դատական որոշման մեջ նշվում է, որ «կարիք չկար ցուցադրել Տրերվեյլերի լողափային լուսանկարները»` հանրությանը լուսաբանելու նպատակով: