Ադրբեջանում ԱՄՆ դեսպան Ռիչարդ Մորնինգսթարը հույս է հայտնել, որ ղարաբաղյան հակամարտության խաղաղ կարգավորման գործընթացը, չնայած վերջին շաբաթվա ընթացքում տարածաշրջանում ստեղծված լարվածությանը, կշարունակվի: Ինքը` դեսպանը Լեռնային Ղարաբաղի հնարավոր նոր պատերազմին չի հավատում:
«Կարեւոր է, որ Հայաստանը եւ Ադրբեջանը շարունակեն բանակցությունները ԵԱՀԿ Մինսկի խմբի շրջանակներում եւ գտնեն խաղաղ լուծում: Որպես Մինսկի խմբի միջնորդ երկիր` ԱՄՆ-ն կշարունակի ջանքեր գործադրել նման լուծումներ գտնելու ուղղությամբ»,-ասել է նա, փոխանցում է 1news.az-ը:
Մորնինգսթարը վերահաստատել է Պետդեպարտամենտի եւ Սպիտակ Տան` Սաֆարովի գործի նկատմամբ դիրքորոշումը.«դա չի խթանում տարածաշրջանում լարվածության նվազեցմանը, այլ խոչընդոտներ է սեղծում հարաբերությունների հաստատման համար»,-հաստատել է նա:
Ավելի վաղ NEWS.am-ը հաղորդել էր, որ օգոստոսի 31-ին Հայաստանը կասեցրել է դիվանագիտական հարաբերությունները Հունգարիայի հետ այն բանից հետո, որբ հայտնի է դարձել, որ Հունգարիայում հայի սպանության համար ցմահ ազատազրկված ադրբեջանցի զինծառայոց Ռամիլ Սաֆարովը արտահանձնվել է Ադրբեջան, որտեղ նրան ներման են արժանացրել:
