Բեռլինում մասնակիորեն տարհանվել է ԱՄՆ-ի դեսպանատունը` փաստաթղթերի կասկածելի փաթեթի պատճառով: Ընդ որում, լրատվամիջոցներն իրարամերժ տեղեկություններ են հայտնում:
Ինչպես հաղորդում է Focus-ը, դիվանագիտական առաքելության աշխատակցուհիներից մեկը գանգատվել է բերանում մետաղական համից այն բանից հետո, երբ այցելուից փաստաթղթեր է վերցրել: Նա կանչել է անվտանգության ծառայությանը: Կասկածելի փաստաթղթեր փոխանցած այցելուն դեռ գտնվում է դեսպանատանը:
Nachrichten-tv-ն հայտնում է, որ տարհանումն սկսվել է կասկածելի փաթեթից հետո: Հրշեջները հայտարարել են, որ կասկածելի փաթեթի ստանալուց անմիջապես հետո 3 մարդ բողոքել են շնչուղիների բորբոքվածությունից:
Դեսպանատանը վիզաների տրամադրումը ժամանակավորապես կասեցվել է: Շենքը զննում են քրեագետները եւ հրշեջները:
Ինչպես նշում է «lenta.ru»-ն, ԱՄՆ-ի բեռլինյան դեսպանատանն իրականացվող միջոցառումները կապված են «Իսլամի անմեղությունը» ֆիլմի թողարկումից հետո ամերիկյան դիվանագետների վրա կատարվող հարձակումների հետ:
