Հունգարիայում բնակվող հայկական ծագումով երգչուհի Գայա Հարությունյանը կարծում է, որ դեպքերը, որոնք կապված են Հունգարիայից Ադրբեջան Ռամիլ Սաֆարովի արտահանձման հետ, կարող են բացասաբար ազդել ողջ տարածաշրջանի կայունության վրա: Այս մասին նա հայտնել է հունգարական «Lángoló Gitárok» երաժշտական բլոգում տված հարցազրույցում` մենկաբանելով Ռամիլ Սաֆարովի արտահանձնումը, ինչի արդյունքում Հայաստանը կասեցրել է դիվանագիտական հարաբերությունները Հունգարիայի հետ:
Ինչպես հաղորդում է «Global Voices» կայքը, երգչուհին նաեւ ասել , որ այս դեպքը կարող է ավելի շատ թվով մահերի եւ բռնության նոր ալիքների հանգեցնել: «Կարծես թե քաղաքական որոշ գործիչների համար փողը առավել կարեւոր է, քան սեփական երկրի պատիվը, կամ էլ այլ երկրների հետ հարաբերությունները: Այս դեպքը կարող են բացասաբար անդրադառնալ տարածաշրջանում կայունության վրա», նշել է Գայա Հարությունյանը:
Հիշեցնենք, որ 2004 թ-ին Բուդապեշտում ադրբեջանցի սպա Ռամիլ Սաֆարովը կացնահարել էր հայ սպա Գուրրգեն Մարգարյանին, ինչի համար Հունգարիայում ցմահ ազատազրկման էր դատապարտվել: Սակայն այս տարվա օգոստոսի 31-ին մարդասպանը Հունգարիայի կողմից արտահանձնվել է Ադրբեջանին, որտեղ նրան անհապաղ ներում են շնորհել: Այս որոշումը ողջ աշխարհի դժգոհությանն է արժանացել:
