Վիկտոր Համբարձումյանի անվան միջազգային մրցանակը կոչված է հավերժացնելու ականավոր գործչի անունը, միավորելու տարբեր երկրների գիտնականներին: Այդ մասին այսօր՝ սեպտեմբերի 18-ին ՀՀ Գիտությունների ազգային ակադեմիայում ելույթ ունենալիս հայտարարեց ՀՀ նախագահ Սերժ Սարգսյանը՝ մրցանակների հանձնման արարողության ժամանակ:
ՀՀ նախագահը մրցանակները հանձնեց Յան Էյնաստոյին (Տարտուի աստղադիտարան, Էստոնիա) եւ Իգոր Նովիկովին (Տիեզերական աստղագիտության կենտրոն, Ռուսաստան);
«Վիկտոր Համբարձումյանը ոչ միայն հանճարեղ գիտնական էր, այլեւ բարոյական բարձր կերպարով օժտված մարդ: Հանճարն ու համեստությունը անբաժան են»,- ասաց Ս. Սարգսյանը: Նա շնորհակալություն հայտնեց մրցանակակիրներին՝ «աստղային երկնքի գաղտնիքների շղարշը մեզ համար փոքր ինչ լուսաբանելու համար»: Ըստ Ս. Սարգսյանի՝ Վ. Համբարձումյանի անվան մրցանակը նաեւ հայ երիտասարդներին ուղղված ուղերձ է՝ «գիտելիքներով զինված եւ միջազգայնորեն մրցունակ մարդ» կերտելու համար:
Մրցանակաբաշխությանը ներկա էր նաեւ հայտնի ամերիկացի տիեզերագնաց-լուսնագնաց Չարլ Հյուգը: