Վրաստանի պատժամիջոցների համակարգում բանտարկյալների կտտանքների գործով ձերբակալվել է 10 մարդ, իսկ կտտանքների տեսագրությունը վաճառքի է հանվել: Այս մասին ճեպազրույցի ընթացքում հայտնել է Վրաստանի գլխավոր դատախազ Մուրթազ Զոդելավան: ձերբակալվածների թվում են թիվ 8 բանտի տնօրեն Դավիդ Չկադուան, փոխանցում է «ՌՍՆ»-ն:
Ինչպես նշել է դատախազը, բանտարկյալների նկատմամբ կտտանքների եւ անմարդկային վերաբերմունքի գործով ձերբակալվել են բանտի տնօրենը, փոխտնօրենը, բանտի անվտանգության պատասխանատուն, բանտի ավագ տեսուչը, օպերատիվ հերթապահը, անվտանգության բաժնի տեսուչը եւ այլն:
Նշենք, որ կտտանքների կադրերը տարածվել են Վրաստանի Ներքին գործերի նախարարության կողմից, սակայն առավել դաժան տեսարաններով ձայնագրությունը ցուցադրվել է ընդդիմադիր «Մաեստրո» եւ «9 ալիք» հեռուստաընկերությունների կողմից, վերջինս պատկանում է միլիարդատեր եւ քաղաքական գործիչ Բիձինա Իվանաշվիլու ընտանիքին: Տեսագրությունները հայտնվել են նաեւ սեցիալական ցանցերում, փոխանցում է «ՌԲԿ»-ն:
Միեւնույն ժամանակ Վրաստանի մի շարք քաղաքներում բանտարկյալների հարազատները բողոքի ակցիաներ են կազմակերպել Գլդանի բանտում տեղի ունեցած դեպքերի կապակցությամբ: Փողոց են դուրս եկել մոտ 15 հազար մարդ:
