NEWS.am-ը որոշակի կրճատումներով ներկայացնում է «Մեկ սխալ քայլ մարդու համար» վերնագրով հոդվածը, որը հրապարակվել է «Ազատություն» (RFE/RL) ռադիոկայանի անգլիական տարբերակի «Transmission» բլոգում.
Ստացվում է, որ Չարլզ Դյուկը կարող է Լուսին գնալ, իսկ Ղարաբաղ` ոչ: Ադրբեջանի ԱԳ նախարարությունը հայտարարել է, որ ամերիկացի աստղագետի` «Ապոլոն- 16» առաքելության անդամի մուտքն Ադրբեջան արգելվում է:
Նա եւ շվեյցարացի աստղագնաց Կլոդ Նիկոլիեն, ով հիմա նույնպես անցանկալի անձ է հայտարարված Բաքվում, մասնակցել են սեպտեմբերի 16-ին Լեռնային Ղարաբաղի մայրաքաղաքում կայացած միջազգային գիտաժողովին` նվիրված առաջին լուսնագնաց Նիլ Արմսթրոնգին:
Ադրբեջանցի պաշտոնյաներն ասում են, թե ցանկացած մեկը, ով այցելում է Ղարաբաղ` առանց Բաքվի հետ նախնական քննարկումների` ավտոմատ կերպով անցանկալի անձ է հայտարարվում Ադրբեջանի կողմից:
Ընդ որում, Դյուկը 12 լուսնագնացներից 10-րդն է, ով իր առաքելությունը կատարել է 36 տարեկանում` լինելով ամենաերիտասրդ լուսնագնացը:
Դուք կհարցնեք, թե ինչու էր պետք անցկացնել միջազգային գիտաժողովը Լեռնային Ղարաբաղում: Կրթության եւ գիտության նախարարի պաշտոնակար Վլադիկ Խաչատրյանը հարցին պատասխանեց համաժողովի մասնկիցներին հղած ուղերձում. «Հայկական լեռնաշխարհը հանդիսանում է տիեզերքի ուսումնասիրման երկրագնդի ամենահին վայրերից մեկը, ինչի մասին են վկայում այստեղ առկա հինավուրց աստղադիտարանները: Ոլորտը մեծ զարգացում է ապրել նաեւ 20-րդ դարում, որը կարելի է համարել հայ աստղագիտության ոսկե դարը: Տիեզերքի ուսումնասիրման գործում շոշափելի է նաեւ ծնունդով արցախցի գիտնականների ներդրումը, ինչը մեծ հպարտություն է ներշնչում մեզ բոլորիս»: Սա հնարվոր է մի փոքր չափազանցված լինել, սակայն, ի վերջո, Ղարաբաղը կարող է հարմար վայր լինել տիեզերական գիտաժողովի համար:
Հայաստանն ու Ադրբեջանը հակամարտում են տասնամյակներ վիճահարույց անկլավի համար, իսկ 1994 թ-ից գործում է հրադադարի փխրուն ռեժիմը: Այն հայտնի է որպես հետխորհրդային «սառեցված հակամարտություն», իսկ Լուսինը հիանալի հատկանիշ ունի` այն ամենասառը վայրն է մեր Արեգակնային համակարգում: