Փորձաքննությունը ցույց է տվել, որ օգոստոսին Տվերում հայտնաբերած մարմնամասերը պատկանում են Միխայիլ Կրուգի մարդասպանին: Այդ մասին սեպտեմբերի 24-ին հայտնում է Life News-ը: Տվերի մարզի քննչական կոմիտեի աղբյուրը հաստատել է, որ դրանք իսկապես պատկանում են Վեսելովին:
Օգոստոսի սկզբին լուր էր տարածվել, որ Տվերի մարզում իրավապահները հայտնաբերել են 1973 թվականին ծնված քաղաքացի Վեսելովի կմախքը, որն իբր մասնակցել էր հայտնի երգչի սպանությանը: Իսկ հետո նրան էլ էին գլխից կրակել:
Վեսելովը, որը կորել էր 2003 թվականին, քրեական հեղինակություն «Լոմի»` Ալեքսանդր Կոստենկոյի հանցախմբի անդամ էր, որն սպանվել էր 2006 թվականի սեպտեմբերին` Կալինինի շրջանում:
«Կոմսոմոլսկայա պրավդան» հիշեցնում է, որ Ռուսաստանի քննչական կոմիտեն անմիջապես հայտարարել էր, որ երգիչ Միխայիլ Կրուգի սպանությանն իբրեւ թե հանցակից մարդասպանի մարմնամասերի հայտնաբերման լուրը, որը տարածել են լրատվամիջոցները, իրականությանը չի համապատասխանում»:
Եւ ահա` նոր շրջադարձ: Թերթը փորձել է ճշտել տեղեկատվության հավաստիությունը: Պատասխանել են, որ «քննության շահերից ելնելով` ոչ մի մեկնաբանություն չի տրվի»:
