Ռուսաստանի կառավարությունը հավանություն է տվել Հայաստանում ռուսական ռազմակայանի տեղակայման դրույթների մասին ռուս-հայկական արձանագրության նախագծին: Այդ մասին հաղորդել է ռուսական կառավարության մամուլի ծառայությունը:
Ռուսաստանի պաշտպանության եւ արտաքին գործերի նախարարություններին հանձնարարվել է բանակցություններ վարել հայկական կողմի հետ եւ պայմանավորվածության գալու դեպքում ՌԴ կառավարության անունից արձանագրություն ստորագրել`առանց դրանում սկզբունքային փոփոխություններ կատարելու, նշվում է հաղորդագրությունում:
Հայաստանում ռուսական ռազմակայանի տեղակայման մասին արձանագրությունը բաղկացած է 30 կետից, ընդ որում, դրանցից 10-ը արձանագրության ուժի մեջ մտնելուց հետո պետք է ընդունման-հանձնման ակտով փոխանցվեն Հայաստանին, հայտնում է rbc-ն:
