Ամբողջովին հարգում եմ հայերի դիրքորոշումը եւ զայրույթն արտահայտելու իրավունքը՝ կապված Ադրբեջանում Ռամիլ Սաֆարովի ներման եւ հերոսացման հետ: Այդ մասին այսօր՝ սեպտեմբերի 27-ին Երեւանում հայտարարեց Եվրոպական միության ընդլայնման եւ հարեւանության քաղաքականության հարցերով հանձնակատար Շտեֆան Ֆյուլեն՝ պատասխանելով հայ լրագրոողների հարցերին (ֆոտոռեպորտաժ):
Եվրոպացի դիվանագետի խոսքով՝ ինքը խոր ափսոսանք է ապրում այն վնասի համար, որ Սաֆարովի ներումը եւ փառաբանումը հասցրել են խաղաղության գործընթացին: «Մեզ համար կարեւոր են արժեքների վրա հիմնված փոխհարաբերությունները, միեւնույն ժամանակ կոչ եմ անում զսպվածության՝ բառերի եւ գործողությունների մեջ»,- ասաց Շ. Ֆյուլեն:
Նա կոչ արեց նաեւ ջանքերը կենտրոնացնել կայունության եւ խաղաղության հաստատման ուղղությամբ, քանի որ այդ պարագայում միայն Հայաստանը կարող է իրացնել իր հսկայական պոտենցիալը:
Լուսանկարը` Սոնա Բարսեղյանի