Միկրոբիոլոգ Սարգիս Մազմանյանը դարձել է Մաք- Արթուրի հանրահայտ կրթաթոշակի դափնեկիր, որն ամեն տարի շնորհվում է ԱՄՆ-ում` տարբեր ոլորտներում ձեռքբերումների համար:
Կալիֆոռնիայի տեխնոլոգիական ինստիտուտի պրոֆեսոր Սարգիս Մազմանյանը դառնալով 23 դափնեկիրներից մեկը` կստանա 500 հազ. դոլար, որը կարող է ծախսվել ցանկացած նպատակով, գրում է «mercurynews.com»-ը:
Գիտնականն ասել է, որ կրթաթոշակի մասին իմացել է, երբ գտնվում էր Հայաստանում, որտեղ հանդես էր գալիս դասախոսություններով: Նա դեռ չի ծրագրել, թե ինչպես է ծախսելու գումարները, սակայն հուսով է օժանդակել հայ երիտասարդներին բարձրագույն կրթություն ստանալու հարցում եւ բարելավել Հայաստանում գիտակրթական հաստատությունների լաբորատոր պայմանները: