Աշխարհահռչակ երգչուհի Ուիթնի Հյուսթոնի դուստր Բոբի Քրիստինա Բրաունը հայտարարել է իր խորթ եղբոր՝ Նիկ Գորդոնի հետ նշանվելու մասին:
Երկար ժամանակ երիտասարդները հրաժարվում էին իրենց սիրավեպի մասին խոսել, բայց հիմա որոշել են ոչ միայն հայտել իրենց հարաբերությունների, այլեւ նշանվելու մասին, հաղորդում է «Վսյա պրավդան»:
«Հյուսթոններ» ռեալիթի շոուում, որտեղ գործող անձինք լեգենդար երգչուհու հարազատներն են, Բոբի Քրիստինան ասել է, որ իր կյանքը չի պատկերացնում առանց Նիկի:
Հարազատները միանգամից հավանություն չեն տվել երիտասարդների որոշմանը, բայց հետո հաշտվել են այդ մտքի հետ: Հիշեցնենք, որ վերջերս Բոբի Քրիստինան եւ Նիկ Գորդոնը ավտովթարի էին ենթարկվել, որի ժամանակ տուժել էր միայն նրանց շքեղ ավտոմեքենան: