Տոկիոյում վախճանվել է ճապոնացի նշանավոր ռեժիսոր, Բեռլինալեի մրցանակակիր, Պուսանյան միջազգային կինոփառատոնի մրցանակակիր Կոձի Վակամացուն: Հոկտեմբերի 12-ի գիշերը Սինձյուկու շրջանում տղամարդը տաքսու տակ է ընկել հետիոտնային անցումում, ինչից հետո ողնաշարի ու գլխի վնասվածքով նրան հիվանդանոց են տեղափոխել:
Ինչպես հաղորդում են ճապոնական լրատվամիջոցները, մի քանի օր ռեժիսորը կոմայի մեջ է եղել, հոկտեմբերի 17-ի երեկոյան բժիշկը մահ է գրանցել:
Ինչպես գրում է ՌԲԿ-ն, մեկ շաբաթ առաջ Կ. Վակամացուն տարվա լավագույն ռեժիսոր է ճանաչվել Հարավային Կորեայի Պուսանյան կինոփառատոնում:
Կ. Վակամացուն ճանաչում է ձեռք բերել 1960-ականների կեսերին` զբաղվելով էրոտիկ ֆիլմերի նկարահանմամբ: Այնուհետեւ նա իր ուժերը փորձել է անկախ ռեժիսորի դերում` զբաղվելով քաղաքական ուղղվածության ցածր բյուջե ունեցող ֆիլմերի նկարահանմամբ:
Կ.Վակամացուն նկարահանել է ավելի քան 100 ֆիլմ:
