«Գերմաիայում գործող տարբեր ազգային կազմակերպություններին կոչ ենք անում միանալ համատեղ ցույցի»: Այդպիսի հաղորդագրություն է տարածել Գերմանահայոց կենտրոնական խորհուրդը (ԳԿԽ)՝ Թուրքիայի վարչապետ Ռեջեփ Թայիփ Էրդողանի բեռլինյան այցի հետ կապված:
ԳԿԽ-ն հոկտեմբերի 31-ին Բեռլինի կենտրոնում՝ Բրանդենբուրգյան դարպասների մոտ, ցույց է կկազմակերպի՝ պահանջելով Էրդողանից բարելավել Թուրքիայւմ ապրող ազգային փոքրամասնությունների իրավիճակը եւ ամբողջովին նոր քաղաքականություն կիրառել այս հարցում: Ըստ կառույցի նախնական տվյալների՝ վաղվա ցույցին հայերից բացի մասնակցելու են նաեւ ալեւիներ, ասորիներ, քրդեր ու եզդիներ:
Մինչ Էրդողանի այցը, ԳԿԽ-ն նամակ էր հղել Գերմանիայի կանցլեր Անգելա Մերկելին, որտեղ ահազանգում է Թուրքիայի իսլամացման քաղաքականության մասին:
Նշենք, որ Թուրքիայի վարչապետ Ռեջեփ Թայիփ էրդողանն այսօր` հոկտեմբերի 30-ին, երկօրյա աշխատանքային այցով մեկնում է Բեռլին, որտեղ կմասնակցի Թուրքիայի դեսպանատան նոր շենքի բացման արարողությաննը, կհանդիպի Բեռլինում գործող թուրքական կազմակերպությունների հետ: Իսկ վաղն Էրդողանը հանդիպում կունենա Գերմանիայի կանցլեր Անգելա Մերկելի հետ: Օրակարգում թուրք-գերմանական երկկողմ հարաբերություններն են, Թուրքիայի ԵՄ անդամակցությունը, Մերձավոր Արեւելքում, մասնավորապես Սիրիայում տեղի ունեցող իրադարձությունները:
