Մոսկվայում ձերբակալվել են դատարանի կողմից ահաբեկչական ճանաչված «Իսլամական վերածննդի կուսակցության» 6 անդամներ: Այդ մասին ասված է Ռուսաստանի ՆԳՆ-ի հաղորդագրությունում:
Ոստիկանները ճշտել են, որ ձերբակալվածները Մոսկվայի մզկիթների տարածքում կամավորների էին հավաքագրում եւ ծայրահեղական գրականություն տարածում:
Գործողության արդյունքներով խուզարկություններ են կատարվել, որոնց ընթացքում հայտնաբերվել եւ առգրավվել է 9 ռումբ, զենք, փամփուշտներ, ծայրահեղական ուղղվածության գրականություն, ինչպես նաեւ իսլամի ծայրահեղական գաղափարների քարոզման եւ մարդկանց ներգրավելու տարբեր միջոցներ, հաղորդում է «ՌԻԱ Նովոստին»:
Խուզարկությունները տեղի են ունեցել խմբի ակտիվ 6 անդամների բնակարաններում: Օպերատիվ-հետախուզական միջոցառումները շարունակվում են: