Արցախի Հանրապետության նախագահ Բակո Սահակյանը նոյեմբերի 27-ին հրավիրել է աշխատանքային խորհրդակցություն գյուղատնտեսական նշանակության հողերի հաշվարկային զուտ եկամուտի հետ առնչվող հարցերի շուրջ:
Արցախի նախագահի աշխատակազմի տեղեկատվության գլխավոր վարչությունից հայտնում են, թե համապատասխան զեկույցներով հանդես են եկել ԼՂՀ ԿԱ անշարժ գույքի կադաստրի պետական կոմիտեի նախագահ Կառլեն Պետրոսյանը եւ գյուղատնտեսության նախարար Անդրանիկ Խաչատրյանը:
Նախագահ Սահակյանն ընդգծել է գործընթացի պատշաճ իրականացման անհրաժեշտությունը՝ նշելով դրա կարեւորությունը գյուղատնտեսության զարգացման, հողօգտագործողների աշխատանքի խրախուսման եւ հողերի պահպանման ու բարելավման տեսանկյունից:
Խորհրդակցությանը մասնակցում էին վարչապետ Արա Հարությունյանը, պաշտոնատար այլ անձինք:
