Անցած ողջ օրվա ընթացքում Սիրիայի մայրաքաղաք Դամասկոսում իրավիճակը հանգիստ էր, քաղաքում մարտական գործողություններ չկան: Այս մասին NEWS.am-ի թղթակցի հետ զրույցում ասաց Դամասկոսում աշխատող ռուսաստանցի լրագրող Ելենա Գրոմովան:
Նշենք, որ Սիրիան շարունակում է կտրված մնալ համացանցից, թեեւ երկրի ներսում այն գործում է: Ուրբաթ օրը չէր գործում նաեւ հեռախոսային կապը, եւ բազմաթիվ փորձերից հետո միայն NEWS.am-ի թղթակցին հաջողվեց կապ հաստատել Դամասկոսի հետ:Ելենա Գրոմովան հայտնեց, որ Դամասկոսի նահանգի մի շարք քաղաքներում հաջողությամբ շարունակվում են զինված ուժերի հակաահաբեկչական գործողությունները: Ներկայումս ակտիվ գործողություններ են տեղի ունենում Դարեյա քաղաում:
Կառավարական ուժերն ամբողջությամբ վերահսկում են Դամասկոսի միջազգային օդանավակայան տանող ճանապարհը: