Հայաստանի յուրաքանչյուր քաղաքացի կստանա անվճար էլեկտրոնային փոստ՝ կառավարության հետ հարաբերվելու համար: Այդ մասին այսօր՝ դեկտեմբերի 3-ին հայտարարեց ՀՀ կառավարության աշխատակազմի ղեկավար Դավիթ Սարգսյանը՝ էլեկտրոնային կառավարման զարգացման ծրագրի շնորհանդեսի ժամանակ: Ծրագիրն իրականացվում է Եվրամիության օժանդակությամբ:
Էլեկտրոնային ստորագրության միջոցով ՀՀ քաղաքացիները կստանան ծանուցումներ եւ հաղորդագրություններ պետական մարմիններից, ինչպես նաեւ կուղարկեն իրենց հաղորդագրությունները: Դ. Սարգսյանը հավաստիացրեց, որ էլեկտրոնային փոստը կլինի պաշտպանված: