Երեւանում ռուսական ռոմանսի երեկո կլինի. «Սիրու՛մ եմ քեզ, իմ ռուսա՛ց լեզու, եւ գովերգում եմ եւ երգում..»։ Տոնական երեկոն նվիրված է Ռուսաստանի Դաշնության 20-ամյակին եւ ռուս մեծ պոետ, թարգմանիչ Վալերի Բրյուսովի ծննդյան 139 ամյակին։
Հայաստանում Ռոսսոտրուդնիչեստվոյի մամուլի ծառայությունից հայտնում են, թե համերգը տեղի կունենա դեկտեմբերի 10-ին ժամը 19։00-ին Առնո Բաբաջանյանի անվան համերգասրահում։ Կհնչեն ռուսական հայտնի դասական ռոմանսներ եւ բանաստեղծություններ, նաեւ հայկական ժամանակակից հեղինակներ՝ միջազգային մրցույթների բազմակի հաղթողների կատարմամբ։ Գեղարվեստական ղեկավար՝ Հայաստանի մշակույթի արժանի գործիչ, Ռուս-Հայկական(Սլավոնական) համալսարանի մշակութային կենտրոնի ղեկավար Մայա Սերգեեւնա Բաղդասարյան։
Երեկոյի կազմակերպիչներն են Ռուսական մշակույթի «Հարմոնիա» միջազգային կենտրոնն ու Երեւանում Ռոսսոտրուդնիչեստվոյի ռուսական գիտության եւ մշակութային կենտրոնը:
